عبد الرحيم كمال يدافع عن عادل إمام: موهبته بتبسط ملايين الناس

ياسمين حمادة 17 مايو 2023 | 03:22 مساءً

أشاد عبد الرحيم كمال بموهبة الزعيم عادل إمام وعبد الحليم حافظ وعمرو دياب، قائلًا: «موهبتهم قدرت تناسب وتعجب وتبسط ملايين الناس».

عبد الرحيم كمال عن عادل إمام وعمرو دياب

كتب السيناريست عبد الرحيم كمال عبر حسابه الرسمي بموقع فيس بوك: «حكاية إن عبدالحليم حافظ مش أفضل صوت وعمرو دياب مش أحسن مطرب وعادل إمام مش أكبر موهبة بس هما أذكياء».

وتابع: «وفرق الذكاء هو اللي نفعهم، دي مقولات جاهزة وبايخة ومحتاجة مراجعة شديدة، لأنها قبل أي حد بتهين جمهور كبير استمر حاططهم في مكانة كبيرة لمدد تتراوح من أربعين لستين سنة».

عبد الرحيم كمال عن عادل إمام وعمرو دياب

موهبة عادل إمام والعندليب

واستكمل الكاتب عبد الرحيم كمال تعليقه: «مش معقول الجمهور العربي والمصري ذائقته متدنية أوي كده، وأنت سيادتك العبقري اللي شايف إن دي ناس أذكياء وموهبتهم على قدهم.. لا طبعًا دول ناس موهبتهم قدرت تناسب وتعجب وتبسط ملايين الناس مش يوم ولا اتنين ولا تلاتة لا دول أقل حاجة نص قرن».

واختتم: «يبقوا دول ناس عبروا بشطارة وموهبة عن ذائقة نصف القرن الأخير بتفوق حقيقي ومحسوم على أقرانهم، وبعدهم تفاوتت درجات المحبة والتقييم ولكل احترامه ومقامه عادي».

الكاتب عبد الرحيم كمال السيناريست عبد الرحيم كمال