كريم فهمي: حياتي كانت صعبة بعد انفصال والدي.. وزوجتي تغلبت على عيني الزايغة

ياسمين حمادة 04 ابريل 2023 | 08:29 مساءً

كشف الفنان كريم فهمي الكثير من أسرار حياته الشخصية والفنية، موضحًا أنه لا يحب نظرة الشفقة في أعين أحد خاصةً بعد انفصال والده ووالدته.

تصريحات كريم فهمي

قال كريم فهمي في تصريحات تلفزيونية له إنه تأكد أن انفصال والديه واعتماده على ذاته في مرحلة عمرية مبكرة جعله قادر على مواجهة التحديات، حيث انفصلا عندما كان عمره 14 عامًا فقط».

وتابع الفنان كريم فهمي: «بناتي أحسن حاجة في حياتي وطول الوقت نفسي أقدم لهم كل حاجة هما محتاجينها حتى لو كان هذا سيؤثر عليّ شخصيًا، وحياتي كانت صعبة من بداية فترة المراهقة، خاصة بعد انفصال والدي ووالدتي الحياة أصبحت صعبة للغاية».

كريم فهمي

أسرار كريم فهمي

وأشار إلى أنه كان يعمل هو وشقيقه أحمد في سن صغير لكي يصرفا على أنفسهما، وتحدث عن علاقته بزوجته قائلًا: «دانية استحملتني كتير أوي الحقيقة، الموضوع مش وليد اللحظة، هي استحملتني بشكل كبير من كل الجوانب اللي تتخيليها واللي ماتتخيليهاش من ساعة ما روحت اتقدمت ليها».

وتابع الفنان كريم فهمي قائلًا: «وكنت معتمد على نفسي تمامًا، ولسه ببني نفسي وفي مكان شعبي ومش معايا فلوس، كان عندي بيت أمي اللي كانت جايبهولي واتسرق مننا بشكل ما، بتستحملني لحد اللحظة دي من الضغط والتوتر».

واستكمل: «مفيش راجل مبيبصش، كل واحد عنده غلطات في حياته، بس في الآخر هي قدرت تتغلب على عيني الزايغة بشكل ما، مفيش قرار في حياتي إلا لما برفع السماعة وبقوله ليها، لازم وأنا داخل أصور معاكي دلوقتي، أصور ليها لبسي، أنا بطمن لما بدخلها في أي تفصيلة في حياتي، بيحصل بينا مشكلات وخناقات كتير، لكن هي سبب بعد ربنا في أي حاجة حلوة وصلتلها».

بدايات كريم فهمي

وتحدث عن بداياته قائلًا: «كان ممكن أشارك مع شقيقي أحمد فهمي في أول تجربة فنية له خاصةً أنها كانت مع شيكو وماجد وهم أخواتي ولكن فضلت أدخل العمل السينمائي بدون مشاركة شقيقي».

كريم فهمي

كريم فهمي أزمة منتصف العمر