محمود المنسي عن حذف «للي» لـ محمد منير: الحق رجع لأصحابه

علق الملحن والمطرب محمود المنسي، على حذف كليب «للي» للمطرب محمد منير، من موقع يوتيوب خلال الساعات الماضية بسبب سرقة الفنان أكرم حسني ألحان الأغنية من لحن ولد الهلالية الذي قدمه في عام 2017.

للي محمد منير

وكتب محمود المنسي عبر حسابه الرسمي بموقع التواصل الاجتماعي «فيسبوك»: «بالنسبة لمشكلة أغنية لليّ للكينج محمد منير وتشابه لحنها مع لحن أغنيتي فإحنا قدمنا شكوى لإدارة اليوتيوب عشان حقوق المليكة الفكرية بعد التهميش اللي لاقيناه من القائمين على المحتوى وإدارة اليوتيوب حذفت الأغنية من قناة الشركة المنتجة».

محمود المنسي يعلق على حذف للي محمد منير

وتابع محمود المنسي حديثه عن حذف أغنية للي للمطرب محمد منير: «الأغنية لسه موجودة بالنسخة الصوتية على قناة الفنان محمد منير وده لأننا مقدمناش شكوى عليها أدباً واحتراما وحباً للكينج اللي اتعودنا إنه صوت الحرية والحق والحب وعشنا معاه شبابيك وشجر الليمون وحواديت وتاريخ فني أكبر من أنه يتكتب في سطور».

حذف أغنية للي محمد منير

وأشار محمود المنسي إلى أنه:« لأغنية تتقفل بالنسبالي ده مش انتصار، ده مش أكتر من توثيق للحدث وجزء من تقدير المفروض يرجع لصحابه الحدوتة مش حدوتي بس، دي حدوتة مبدعين وناس كتير بتحلم و بتتعب عشان ياخدوا فرصة يوّصلوا صوتهم للعالم وإنهم يغيروا مجتمعاتهم للأحسن لأن هي دي رسالة الفن».

محمود المنسي: الحق رجع لأصحابه

وأوضح محمود المنسي: «توضيح للي اختلط عليهم الأمر في موضوع جُمل التراث، التراث هو ملكية للجميع، إننا نستخدمه في فترات فتور فني دي حاجة بتدي أمل في نفوس الناس، لكن لمّا فنان يستخدم التراث ويضيف عليه بصمته ويطلع مُنتج جديد، فالمنتج الجديد ده ملكيته الفكرية بترجع لصاحب البصمة نفسه وده حصل مع فنانين كتير زي الفنان بليغ حمدي في أغنية على حسب وداد للعندليب وكمان الفنان عزيز الشافعي في أغنية خطوة يا صاحب الخطوة و محدش يقدر ينكر حقوق ملكيتهم لها».

كلمات أغنية للي محمد منير

واختتم الملحن محمود المنسي حديثه قائلا: «اللي حاصل في حالتنا أن المنتج الجديد بعد البصمة هو اللي تم استخدامه بدون الرجوع لصاحبه أخيراً، التقدير إن محدش ياخد حق من غير ما يرجع لصاحب الحق ويفرض عليك واقع أنت مش قابله و احنا اتعلمنا من منير كل المفروض مرفوض اثبت للعالم إنك موجود».

سرقة لحن للي محمد منير

وتقول كلمات أغنية «للي»: «سألته هل داء الولع كان الجواب صدّه ساق الدلال ساق الدلع مفاتيح هواه صدّوا ومشيت أوشوش في الودع ولا جاني ليه ردّه اللي فتح باب الوجع واجب عليه ردّه».

بعد حذف للي.. أكرم حسني يواجه اتهامين بسرقة الأغنية

بعد اتهام أكرم حسني بسرقة كلماتها وألحانها.. يوتيوب يحذف فيديو كليب للي