مواطن للرئيس السيسي: مستعد أتبرع بـ10 %من راتبي لبناء جامعة.. والرئيس يمازحه : «مش هيكفي».. فيديو

كشف الرئيس عبدالفتاح السيسي، موقف توافر السلع في الدولة، قائلا: «حريصون على وجود رصيد من السلع الاستراتيجية لمدة 6 شهور مقبلة، عارفين زمان كان في الأرياف عيب لو حد اشترى فرخة أو بيضة من الشارع، كان البيت وحدة إنتاجية صغيرة، بيغطي نفسه ويطلع جزء للحضر، لكن عددنا النهاردة في مولود كل 15 ثانية وفي الدقيقة 4 أطفال».

وتابع الرئيس السيسي، خلال مشاركته مواطني قرية الأبعادية وجبة الإفطار خلال تفقده أعمال مبادرة حياة كريمة: «بقول إن المواد موجودة حتى لو كانت غالية شوية، وأنا بتكلم عن احتياجات 114 مليون مواطن في مصر، 105 +9 من الدول الوافدين، لكن اطمنوا بفضل الله مسيطرين على الأمور، وكل أزمة بفضل الله بتعدي، ليها بداية ونهاية، وأنا عاصرت أزمات كتير وبفضل ربنا خلصت وعدت».

واستكمل الرئيس السيسي: «بقول لمزارعين ما دام أنت سعيد يبقى أنا سعيد، وعاوز المواطن جنبي ومعايا».

ورد الرئيس السيسي على طلب مواطن بشأن تبرعه بـ10% من راتبه سنويا لبناء جامعة أزهرية في البحيرة: «مش هيكفي الجامعة دي عشان تتعمل على 22 فدان هيكون فيها تخصصات كتير جدا، وخلال 6 سنوات مضت بنينا جامعات تكفي طلاب لـ2050، أنا ممكن أقولك ندرس وخلاص لكن لأ أنا لازم أعرض وأفصل، لو الفلوس جاهزة يبقى القرار حاضر».

الرئيس السيسي: لدينا 9 ملايين ضيف.. و220 ألف سوداني عبروا الحدود خلال 6 أسابيع

أحد مواطني البحيرة للرئيس السيسي: «اختارك الله لنصرة مصر».. فيديو