ميار الببلاوي تتراجع عن دعم وفاء مكي: اخرسي ليكي عين تكذبي.. حسبي الله ونعم الوكيل

أثارت الفنانة ميار الببلاوي الجدل الساعات الماضية، وذلك عقب تراجعها عن دعم الفنانة وفاء مكي بعد أن صرحت أن لديها دليل براءة وفاء من تهمة تعذيب خادمتين وبعد 23 عامًا من حبسها.

ميار الببلاوي تتراجع عن دعم وفاء مكي

كتبت ميار الببلاوي عبر حسابها بموقع التواصل الاجتماعي فيسبوك: 'اللهم لك الحمد ربنا ظهر الحقيقه من شاهد عيان وكده انا كنت بانب ضميرى على الفاضي'.

وتابعت: 'سؤال ايه اللى بتعمليه ده يا وفاء انا قلت إن فى موقف حصل لكن كده اتحسمت كفايه بقى ملقتيش حد تدوسى عليه غيرى وتمثلى البراءه او علشان انا مش بتاجر بالموضوع ورافضه اتهم بانى بجرى ورا تريند وفضلت الف معاكم على القنوات والمواقع بالشكل المستفز دا، انا قلت شكوكى وموقف حصل الحمد لله انه كان ولا هيقدم ولا يأخر، سؤال فين دليل برائتك دا انا قلت للناس انه حصل كذا فقط واللى حصل دا ملوش اى قيمه خالص بعد شهادة الشاهد دا وبعد مقريت التحقيقات والتقارير'.

ميار الببلاوي

وأضافت ميار الببلاوي حديثها، وقالت: 'قد ايه انا كنت هبله فى كل مكان تكذبى وانتى عارفه انك مش مظلومه وانا الحمد لله اتاكدت انك مذنبة والحكم عين الحقيقة كده لما جولي مكنوش جايين من عندها وكده المخدمتين كذابة'.

واستكملت حديثها، وقالت: 'شاهد العيان ده ريح قلبى اخرسى بقى حسبى الله ونعم الوكيل فيكى لا وليكى عين تكذبى وتقولى انك بريىه وقال كمان مش مسمحانى اخس'.

ميار الببلاوي تفتح النار على وفاء مكي

وواصلت ميار الببلاوي هجومها على وفاء مكي، وقالت: 'يعنى البنت مشيت من عند وفاء خلصانة وهى اللى رمتها واختها هربت تانى يوم يبقى كلام الشاهد مظبوط يا ناس ويبقى البنات جولي قبل ميروحوا عندها وكمان انا لو كنت قولت اللى انا كنت فاهماه غلط ساعتها كنت هتحاكم زي الفنانين اللى اتهموا بالشهاده الزور وفعلا ولا كان كلامى هيقدم ولا هياخر طيب ليه الست وفاء مطلبتنيش للشهاده ودالى اتقلى لو محامين وفاء شايفين ان فى اى ثغره كانت طلبتنى للشهادة'.

ميار الببلاوي

واختتمت ميار الببلاوي حديثها، وقالت: 'لما شوفت التحقيقات وسمعت شاهد العيان ربط الاحداث عرفت انى الحمد لله البنات نزلوا من عندى على وفاء مش العكس يعنى واقعه التعذيب مؤكدة بعد ماكانوا عندى مش قبل وبكده يبقى الست مذنبة والمحكمة والمباحث والطب الشرعى لاغبار عليهم سبحان الله مش حق وفاء اللى رجع حق البنتين اللى شافو قمة العذاب وربنا يفكهم من رقبتي انما الاستاذة وفاء واللى طالعة فى كل مكان تشوه صورتى وتبين انى كتمت شهادة كذابه وبينى وبينها القضاء العادل'.

وفاء مكي تكشف مفاجأة تخص أزمتها

دخلت الفنانة وفاء مكي في نوبة بكاء حادة وهي تتحدث عن معاناتها في الحبس بعد قضية تعذيب خادمتيها، خاصًة بعد خروج الفنانة ميار الببلاوي بتصريح أنها كان لديها دليل براءتها.

وكشفت وفاء مكي في تصريحات تلفزيونية، أن أحد المصورين كان على علم بوجود دليل لبراءتها مع الفنانة ميار الببلاوي، مشيرة إلى أنه حاول الجمع بينهما في حفل زفاف ابن ميار الببلاوي، وذلك لمحاولة إقناع ميار بإخراج الدليل أمام الجميع.

وقالت وفاء مكي: 'المصور ضغط عليا علشان أروح فرح ابن ميار يمكن تطلع تتكلم، ولما عرفت إن تليفونه بيسجل قالت له هحبسك وعندي مستشارين بدفع لهم فلوس وهرفع عليك قضية'.

وتابعت: 'المذيع أحمد عبد العزيز شاهد على امتلاكها دليل براءتي، وهي اللي طلبت تطلع معاه في برنامج الوسط الفني على قناة الحدث، وبقينا طول الحلقة ننادي عليها تعمل مداخلة لكن رفضت'.

وفاء مكي: ميار الببلاوي بعتتلي جواب وقالتلي دليل براءتك معايا

كشفت الفنانة وفاء مكي، عن قصتها مع الإعلامية ميار الببلاوي التي كان معها دليل برائتها وتم تهديدها بقتل ابنها في حالة شهادتها.، موجهة رسالة لها: مصعبتش عليكي تخفي دليل براءتي وأنا مظلومة.

وقالت وفاء مكي، في تصريحات تليفزيونية: من 23 سنة وأنا في عز مشكلتي ميار الببلاوي بعتتلي جواب وقالتلي أنا دليل براءتك معايا وهقف جنبك وأساعدك، وكنت بناشدها من فضلك تعالي قولي كلمة الحق وما يمليه عليكي ضميرك، وبعد كدة مفيش ميار، واللي فجرت الموضوع ده هند عاكف.

وتابعت وفاء مكي: لو كانت ميار الببلاوي ضميرها صحي مكنتش وصلت للي انا فيه.. هند عاكف كان فيه انتخابات نقابة وقالتلي انا عايزاكم تقفوا جنبي وتدعموني وجاتلي البيت وجه في الأسامي اللي قالتلهالي اسم ميار الببلاوي.

وفاء مكي: ميار الببلاوي كان في ايديها تنقذني

واستكملت وفاء: قولتلها الانسانة دي كان في ايديها تنقذني وتتقي ربنا فيا ومحصلش، ولقيت هند بتصرخ وتقول اسكتي انتي متعرفيش ايه اللي حصل في يوم من الأيام لقيت ميار بتتصل بيا وتقولي أنا بموت وبدمر وتعبانة نفسيا وصحيا وداخلة اعمل عملية قلب ومعايا دليل براءة وفاء مكي بس مقدرتش اقولها ومش عارفة انام من 23 سنة، لاني كنت مهددة بدبح ابني.

وأضافت: والرسالة كان مكتوب فيها (لو كنتي عايزة تروحي تشهدي مع وفاء مكي هندبح ابنك)، و الجواب جه لجوزها وكان موجود على العربية بتاعته، وده اللي هي قالته.

وفاء مكي تبكي: ميار الببلاوي هددت مصور بالحبس لو كشف دليل براءتي

وفاء مكي توجه رسالة لـ ميار الببلاوي: مصعبتش عليكي تخفي دليل براءتي وأنا مظلومة

ميار الببلاوي تتعرض لأزمة صحية : بموت من الكحة

النجوم الأكثر بحثا في 2022.. ميار الببلاوي في المقدمة وجالا فهمي الأخيرة

ميار الببلاوي: هشيل الضوافر والرموش علشان أبقى واجهة للحجاب