ياسمين عز ترد على هجوم سيدة سورية: عيب على تاريخي

ياسمين حمادة 11 مارس 2023 | 08:22 مساءً

علقت الإعلامية ياسمين عز عن هجوم السيدات السورية عليها قائلة: «إمبارح كنت بوجه رسالة بقول فيها للست السورية، سيبي فرعونك ياكل وينبسط براحته».

ياسمين عز للسوريات

قالت ياسمين عز في تصريحات تلفزيونية لها: «تطلع واحدة تقولي معندناش فرعون هنا عندك انتي.. ده كلام.. الجملة دي قدرتي تقوليها لي.. ده حتى عيب على تاريخي أغلط فيما يخص الفرعون».

وتابعت: «أنا أقصد لو إنتي سورية متجوزة فرعون مصري هتقولي له يا فرعوني، ولو متجوزة سوري، إحنا بنتكلم عن عكيدك يؤبر قلبك، هتقولي له إيه، يا ابن عمي، يا تاج راسي، العكيدي أبوشهاب راح، العكيدي أبوعصام، الجنرال راح، الجنرال جه.. ده اللي عندكم».

تصريحات ياسمين عز

وقالت ياسمين عز عن الرجل السوري: «ليه مش فرعون؟، عشان هو حلاوة وأدب زهرة حلب»، وحرصت أن توجه الإعلامية ياسمين عز، مجموعة نصائح للمتزوجات والمخطوبين عن آداب الحديث على الهاتف، قائلة: «مينفعش تكلمي جوزك في التليفون وانتي حافية لازم تكلميه وحاجة في رجلك عشان لو كلمتي جوزك وانتي حافية الكلام هيطلع من رجلك».

واستكملت: «لكن لو إنتي لابسة حاجة في رجلك الكلام هيطلع من قلبك.. كل يوم قبل ما تكلمي خطيبك تلبسي لبس خروج ودبلتك وجزمتك أم كعب لأنه أهم من صحبتك الي بتلبسيلها أحلى لبس ولازم حاجة تخشخش في ايدك أنوثة عالية وتشمري كمك».

ياسمين عز