السيسي: مقدرش أغامر بالأمن الغذائي للمصريين.. فيديو

قال الرئيس عبد الفتاح السيسي، «أذكر نفسي وجميع من يشاهدونا أن المياه المستخدمة في مشروع زراعة 500 ألف فدان بتكلفة 100 مليار جنيه بشمال سيناء، هي مياه محطة بحر البقر».

وأضاف الرئيس السيسي خلال كلمته في افتتاح عدد من المشروعات القومية في توشكى، «المياه المستخدمة هي مياه صرف زراعي، عشان يبقى واضح للمصريين إن المياه دي جبناها من مياه صرف زراعي وعملنا لها معالجة عشان تبقى صالحة للمعايير العالمية، وبنعمل لها البنية التحتية لزراعة 500 ألف فدان».

وتابع الرئيس «عايز اربط الكلام ده بالفيلم التسجيلي اللي تناول الموضوع، وإنه فيه 100 مليار جنيه مطروحة لعمل مشروع شمال سيناء، لكن السؤال هل ممكن نشكل عبء على المستثمر، طبعا عشان تكلفة المشروع تفوق المبلغ المرصود هو ممكن يعملها بس هياخد ممد زمنية طويلة».

واستطرد الرئيس السيسي «مقدرش أغامر بالأمن الغذائي للمصريين على طرح محتاج فرص زمنية كبيرة، بالإضافة إلى أنه فيه جزء لازم الدولة تعمله بنفسها.. لكن في النهاية أقدر أقول إني أقدر أزرع في سيناء نصف مليون فدان، يعني 100 ألف أسرة هتسفيد، ونص مليون شخص».

وأردف: «الدولة بتبذل جهود عشان تحقق المشروعات التنموية، ومؤسسات الدولة تقوم بإنشاء محطات المياه لزراعة المناطق الصحراوية».

السيسي يؤكد لبوتين تطلع مصر لتعميق العلاقات الثنائية مع روسيا على جميع الأصعدة