صفوة تفتح النار على الرقص الشرقي : عاوزة أمحيه من اسمي واعتزلت من 14 سنة

ياسمين حمادة 22 يناير 2023 | 07:42 مساءً

تحدثت الفنانة صفوة عن كواليس وأسرار في حياتها الشخصية والفنية، بالإضافة إلى كشفها لأسباب اعتزالها الرقص في وقت مبكر.

تصريحات صفوة

قالت صفوة في تصريحات تلفزيونية لها: «دخلي من الرقص كان كبير جدًا، وحتة راقصة دي، أنا محيتها لأني اعتزلت من 14 سنة، وأنا مش حابة أن يسبق اسمي اسم الراقصة».

وأضافت الفنانة صفوة كلامها: «أنا عارفة اللي بقوله ده هيقوم الدنيا عليا، أنا عملت مجهود كبير جدًا، عشان أثبت أني ممثلة قوية، وعلشان أمحي أن يبقى قبل اسمي الراقصة، وده كلام أول مرة أقوله».

صفوة الرقص الشرقي

واستكملت حديثها عن الرقص الشرقي، قائلة: «كلمة الراقصة في حد ذاتها في المجتمع الشرقي، لا يتم قبولها، وبالرغم أن مهنة الرقص صعبة جدًا، ويكفي أن الراقصة بتشغل معاها 40 راجل بشنبات لغاية النهاردة أما تيجي تشتمي حد هتقوليله كذا، وأنا صريحة، وعارفه أن مفيش حد هيقول كده».

وتابعت الفنانة صفوة: «وبرغم أني كنت شاطرة جدًا في مهنتي، ولما اعتزلت كان الاعتزال بدري جدًا، لأن المهنة بقيت مهنة لكل ما لا مهنة له، والناس الكويسة اللي إحنا بنحترمهم، وهنفضل نحترمهم في زمن الفن الجميل، زي دينا، فيفي عبده، لوسي وأنا بعترف أن دول فنانات راقصات إلى أبعد الحدود محترمات، وهم فوق دماغي».

زواج صفوة

وقالت أيضًا: «الفنانات والراقصات المحترمات اللي بكلمك عليهم، بقا شغلهم أقل بكتير، وأي بلد أجنبي، بيقدروا الرقص الشرقي جدًا، وأنا مش مكسوفة من لقب راقصة، لكن مهنة الرقص مفيش حد بيقدرها بالتقدير المناسب لها، ولازم الناس يكون الوعي بتاعها غير».

وتحدثت عن زواجها الثالث، قائلة: «جوزي سرق فلوسي ودخلني السجن عشان أنا حمارة، ومش أنا لوحدي بقول كده في ستات سامعين كلامي، وبيقولوا نفس الكلام، هو عمل كده رغم أنه كان بيعمل حاجات كويسة جدًا معايا ومع أهلي كمان».

واختتمت كلامها: «لما كان حد بيقول على جوزي أنه مش كويس وشوفي مستقبلك مكنتش بصدقهم، وأعمل لمستقبلي، وأنا كنت بالنسبة له الفرخة اللي بتبيض ذهب، وأنا كنت عمر ما كنت بفكر وراه، وأنا مكنتش مستوعبة أنه بيصرف من فلوسي».

صفوة