محمود العسيلي يكشف سرا عن شيرين عبد الوهاب ويبرئ نفسه بعد 4 سنوات

كشف الفنان محمود العسيلي سرا عن الفنانة شيرين عبد الوهاب بعد طلاقها من حسام حبيب، موضحًا أن كل إنسان يمر بتجارب كثيرة في حياته.

وتابع محمود العسيلي في تصريحات تلفزيونية قائلًا: «شيرين بتعافر لكي تعود، وهي صوت من أعظم الأصوات في تاريخ الوطن العربي وملهاش زي كإمكانيات صوتية، وربنا يوفقها في اختيار الكلام الصح وحفلاتها في جدة كانت مفاجأة».

تصريحات محمود العسيلي

كما علق على أزمة حمزة نمرة مع نقابة المهن الموسيقية، قائلًا: «أنا ضد شطب أي حد ومش بحب المنع ولا الشطب وأنا مع حرية الإبداع والفن والفنان بيبقى عنده قضايا يعبر عنها واحترم أي فنان يقدم أي حاجة مقتنع بها، وياريت أعمل ديو معه».

وأشار محمود العسيلي إلى أن تراجع مطربي المهرجانات سببه تغير الموضة أو التريند، معلقًا: «الدنيا بتتغير.. المهرجانات كانت موضة والتريند بيتغير مع الوقت وجت لهم فترة كانوا الحاجة المناسبة للذوق العام ودلوقتي اختفوا شوية عشان مش بيجددوا وبقى التراب هو التريند ومكسر الدنيا».

وأكد أن عصام صاصا واحدًا من أكثر المطربين استماعًا على جميع المنصات، لافتًا إلى أن الأكثر استماعًا مع الجيل الصغير الآن هو التراب وسيأتي وقت عليه وسيختفي لأنه مبني على موضة، مضيفًا: «حمو بيكا وعمر كمال وشاكوش موجودين ونجاحهم كان كبير ودلوقتي بينجحوا في حاجات وحاجات لا ومش بقوا زي الأول وبيبقى ظواهر والشاطر هو اللي يتحول ميبقاش ظاهرة ويكون له شكل خاص به».

محمود العسيلي

موقف محمود العسيلي من إلغاء الحفلات

وكشف الفنان محمود العسيلي موقفه من دعوات إلغاء الحفلات بسبب حرب غزة، معلقًا: «في البداية كان ممكن نلغي شهر أو شهرين لكن فيما بعد صعب نستمر في الإلغاء، كلنا ورانا ناس مسئولة مننا وناس بتشتغل معانا»، واقترح التبرع بجزء من عوائد العودة لإقامة الحفلات إلى مساعدة شعب فلسطين.

وأضاف: «للأسف شغلنا فيه بهجة واحتفال وترفيه لكنه زي أي شغل، الحياة لازم تستمر.. في بداية الحرب نفسيًا كان صعب علينا نقبل نغني، الواقع كان صعب ولا يزال إلى الآن لكن الحياة لازم تستمر بعد شهرين توقف ملزمين نشتغل».

وعلق الفنان محمود العسيلي على الأزمة التي أثيرت بعد تداول مقطع فيديو، وهو يُحرج أحد المعجبين حينما طلب منه التقاط صورة معه، وقال: «معاك واسطة»، قائلًا: «الأزمة لسه موجودة والناس فاكراني متكبر لحد النهاردة لأنهم لسة فاكرين الموضوع ده.. والواقعة كانت تخص أحد المنظمين كان بيزعجني جدًا وأنا بغني، وكان فيه 2000 واحد عايزين يتصوروا فقلت له أنتَ معاك واسطة عشان إنت من المنظمين والناس الحاضرة مش معاها واسطة فمش من حقها تتصور؟!.. منه لله اللي قطع الفيديو بطريقة معينة فانتشر كالنار في الهشيم، والقصة دي من 2019».

أسرار محمود العسيلي

أكد الفنان محمود العسيلى، أنه لا يحب الحياة التقليدية في الزواج وفي حالة شعوره بالضيق يختار الابتعاد، قائلاً: «أنا مش بعرف أعيش الحياة التقليدية يعنى لو مضايق بحاول أصلح العلاقة ولو احنا الاثنين مش مبسوطين يبقى أحسن قرار منكملش والعمر قصير».

وأضاف محمود العسيلي، في تصريحات تليفزيونية، أنه يحاول العيش في سعادة ولا يضغط نفسه، قائلاً: «بحاول اعيش مبسوط ومرتاح وفي ناس بتفضل دايسة على نفسها في العلاقات الزوجية والشخصية وتعلمت أهم حاجة يكون الإنسان مرتاح ومبسوط ولو ده متحققش ليه ندوس على نفسنا».

وتابع العسيلي، قائلاً: «في ناس بتفضل تمثل على بعض في الجواز وأفضل حاجة نكون على طبيعتنا ولو الدنيا مش ماشية بيكون أفضل شيء البعد، وأنا حاليا متجوز والاستقرار حلو واتجوزت 3 مرات عشان عايز الاستقرار والعيلة ويكون معايا رفيقة في الحياة، والانفصال في المرتين أنا اللي قررت البعد ولم افقد الأمل في تصليح العلاقة بختار الابتعاد».

محمود العسيلي

محمود العسيلي وزوجته