من الذاكرة| توفيق الدقن يكشف كواليس أول لقاء مع محمود المليجي: كنت نكره وقتها

حضني وقالي أنت اسمك إيه قولتله توفيق الدقن قالي أنت هتبقى في يوم إنسان كويس.. بهذه الكلمات كشف توفيق الدقن كواليس لقائه الأول مع الفنان محمود المليجي عام 1949، والذي جعله يخاف ويرتجف.

توفيق الدقن يتحدث عن أول لقاء مع محمود المليجي

قال توفيق الدقن في تصريحات تلفزيونية: «محمود المليجي الصديق والأخ والأستاذ والإنسان، ومعرفتي بيه ترجع لسنة 1949 في فيلم كانوا عايزين فيه ولد صغير يشاغب محمود المليجي لأنه مفروض هيغتصب أخته، فاختارني جمال مدكور، وقال في طالب في المعهد بيعمل أدوار صغيرة فجابوني وكنت نكره وقتها».

وتابع: «جيت وقعدت من الساعة 10 الصبح، وإدوني الدور أحفظه لحد ما جت الساعة 5 بعد الضهر، وبعدين ندهولي وفضلت أبصله وهو ولا حاسس بيا، وبعدين بدأنا نعمل بروفة وبدأنا تصوير».

وأضاف: «وقتها وأنا بقول النص بتاعي لاقتني بصيت في عين محمود المليجي ولاقيت عينيه مسيطرة عليا، فوقفت وعرقت واتبرجلت وخوفت واتخضيت، لاقيته ضحكلي ضحكة لطيفة وقال لجمال مدكور، يا جمال أنا هشرب قهوة وأجي».

توفيق الدقن ومحمود المليجي

توفيق الدقن يكشف كيف تعامل معه محمود المليجي

استكمل توفيق الدقن، حديثه قائلا: «أخدني معاه الكافتيريا وعزم عليا أشرب حاجة ورفضت وبعدين قالي تعالى نراجع الكلام مع بعض وقالي متخفش أبدًا وقالي الكلام اللي أنت بتقوله مش قرآن، افهمه وحسه وقتها هتقول كلام أحسن من كده ومتخافش من حد أبدًا».

واختتم حديثه: «أسلوب محمود المليجي مكنش معايا أنا بس، ده كان مع كثيرين من الممثلين، وبعدين عملنا بروفة وبعدها صورنا، وبعدها حضني وقالي أنت اسمك إيه قولتله توفيق الدقن قالي أنت هتبقى في يوم إنسان كويس، ومن يومها كان أخ كبير ليا».

من الذاكرة| هذا السر وراء عدم مشاركة عمر الحريري مع عادل إمام في مسرحية الزعيم

من الذاكرة| رأي علاء ولي الدين في البطولة المطلقة.. ومحمد هنيدي شبه التين البرشومي

من الذاكرة| شادية تنتقد المقارنة مع الأفلام العالمية: حرام وقسوة

من الذاكرة| أولاد لبنى عبد العزيز لا يشاهدون أعمالها والسبب غريب

من الذاكرة| حسين الإمام: ساهمت في الثورة الفنية مع الحجار ومنير.. وهذا سر الخاتم الغريب