بعد تعاونهما في «سيد الناس».. مصطفى عماد يوجه رسالة للمخرج محمد سامي

وجه الفنان الشاب مصطفى عماد رسالة للمخرج محمد سامي، بنشره صورة تجمعهما من كواليس مسلسل سيد الناس.

علق مصطفى عماد على صورته مع محمد سامي، التي نشرها عبر حسابه الرسمي بموقع انستجرام: «شكرًا على كل حاجه عملتها عشاني، بحبك يا أستاذ سامي».

رسالة مصطفى عماد للمخرج محمد سامي

ورد عليه المخرج محمد سامي عبر خاصية التعليقات، وكتب: «بحبك يا درش يا موهوب يا جامد».

وفي وقت سابق، كان قد تحدث الفنان الشاب مصطفى عماد عن كواليس مشاركته في مسلسل سيد الناس، وكشف أسرار من حياته لأول مرة.

 

View this post on Instagram

 

A post shared by Mostafa Emad (@mostafa___emad)

كواليس مشاركة مصطفى عماد في مسلسل سيد الناس

قال مصطفى عماد عبر تصريحات تلفزيونية: «كنت خايف في البداية من محمد سامي في أول أيام تصوير المسلسل.. لأنه بيبقى فيه حالة صمت رهيب داخل اللوكيشن».

واستكمل: «عشان بيكون مركز.. هو أشطر مخرج شُفته في حياتي.. وبيهتم بأدق التفاصيل.. وأتمنى أشتغل معاه تاني، وأنا ماقُلتش مرة هسيب التمثيل وأشوف وظيفة تانية».

وتابع مصطفى عماد: «لفيت في الأول على مكاتب الكاستنج وأصحابي يشتغلوا وأنا لأ.. بس كان عندي يقين إن ربنا هيكرمني، لحد ما دكتور أشرف زكي رشح شباب من معهد الفنون المسرحية للمخرج محمد سامي عشان يشاركوا في المسلسل».

واختتم: «ورد الموافقة إني أقدم الدور كان متأخر وفي الوقت ده كنت أخدت جائزة عن دور عملته بمسرحية اتعرضت في مهرجان المعهد وطلعوا اتنين عليا بموتوسيكل وأنا في صفط اللبن وشدوا الشنطة كان فيها فلوس مني وسرقوني».