15 تصريحا ناريا لـ تامر حبيب.. حاول إنهاء حياته بسبب الاكتئاب

أثار السيناريست تامر حبيب ضجة واسعة وجدلًا كبيرًا خلال الساعات الماضية بسبب تصريحاته الأخيرة، وحقيقة محاولة انتحاره وميوله المختلفة.

تصريحات تامر حبيب

يرصد موقع قناة صدى البلد تصريحات تامر حبيب كاملة خلال السطور التالية.

• حاولت انتحر مرة زمان لأني كنت باخد دواء للتخسيس وعملي اكتئاب.
• كنت شغال محاسب بعمل حاجة مبحبهاش وكنت متوتر وعندي طموحات تانية وأحلام تانية، وفي لحظة فكرت في الانتحار ومن بعدها خدت قرار إني أغير مساري وحياتي.
• تسببت في فشل إحدى العمليات التي أجريتها لإنقاص الوزن بسبب حبي الشديد للأكل.
• إيناس الدغيدي بحبها جدًا على المستوى الفني والشخصي هي صديقتي، والتصريحات اللي قالتها عن ميولي المختلفة حصل لعب في المونتاج.

أسرار تامر حبيب

• معنديش حاجة اتكسف منها أنا متأكد أن تصريحاتها كانت ردت على كلام اتقال خلال الندوة، لكن ده مش رأيها الشخصي.
• طلع كلام إني خدت موقف عدائي من إيناس بعد التصريحات دي لكن بالعكس اتقابلنا بعدها واتكلمنا وشرحت لي هي قالت كده ليه، بعد الموضوع ده قابلت ناس وقفوا معايا، وشكرًا إن الموقف ده حصل علشان يظهر كم الحب ده ليا.
• شخصية المثلي في فيلم واحد صحيح نموذج موجود في المجتمع ومفيش مشهد ندمان عليه أو على كتابته.
• لعبة النسيان مع دينا الشربيني كان في عز أيام الكورونا وتعرض لظروف كتير مش كويسة، وكان في حاجات كتير نظرًا للظروف كان المفروض تتعمل في المسلسل ليخرج بشكل أفضل ولم تحدث بسبب أجواء الإغلاق في العالم والنتيجة النهائية لم أرضى عن هذا العمل.
• أزمة منة شلبي كان من أسود أيام حياتي لغاية ما عرفت إنها في طريقها للبيت وخدتها في حضني جدًا وكان همي إنها تضحك وتنبسط وأعمل أراجوز عشان تضحك وكان في قسوة من البشر.

انتقادات ضد تامر حبيب

• الناس بقت تحكم على كل حاجة مفيش أكتر من عزاء أمي والناس القريبة مني كانوا بيحضونني ويبوسني، وقالوا بنرتكب معصية وده موت معصية إيه اللي نرتكبها.
• مش عارف أعبر عن إحساسي بعد وفاة أمي وحتى الآن تأتي لحظة أنسى أنها توفيت، وأول مرة انسى ذكرى وفاة أمي كان السنة دي وكنت مرتاح شوية لأني قلت إن محتاج الحياة تمشي وكانت أمي علطول توصيني لما أسافر أول لما أوصل اطمئنها عليا وكنت بنسى علطول أول لما اسافر.
• أنا رجعت أصلي لأني كان بقالي شوية مش بصلي ورجعت أصلي من أول رمضان ومنتظم في الصلاة وصورتها في اتجاه القبلة وبحس كأننا بنصلى جماعة.

وصية تامر حبيب

• الله يرحم سمير غانم لو كان العكس كان ممكن يعمل كده وكان بيموت في البهجة، وأنا كنت في فرح في الجونة وللأسف الشديد كنت هحضر الصبح الجنازة وأرجع على الفرح بالليل.
• فكرة أني رحت الفرح مش معناه أني متوجعتش على فراق سمير غانم وكان في علاقة بينا علاقة حب شديدة وكان صديقي ونلت شرف أني اشتغل معاه في شربات لوز.
• يوم لما أموت اللي بيحبوني كلهم يعملوا حفلة كبيرة على سيرتي ويشغلوا الأغاني اللي بحبها ويفتكروا المواقف اللي بتضحك ويرقصوا وينبسطوا وهكون أكثر واحد مبسوط.

تامر حبيب ومنة شلبي

تامر حبيب يكشف كواليس أزمة منة شلبي: أسود أيام حياتي.. ولما أموت اعملوا حفلة

قبل 15 سنة.. تامر حبيب يستعيد ذكريات الحج مع عامر منيب

تامر حبيب يكشف عن رأيه في مسلسل كامل العدد لـ دينا الشربيني

أبرز الحاضرين في جنازة والد دينا الشربيني.. بينهم درة وتامر حبيب

تامر حبيب عن بوستر مسلسل تحت الوصاية: راقي وشيك والناس دي هتبسطنا