من الذاكرة| يسرا: أبويا كان بيضربني وقعدت معاه 7 سنين بالعافية.. وكان نفسي أجيب أطفال

يسرا النجمة المتعددة المواهب ومختلفة الأدوار، تحتفل بعيد ميلادها الـ 68 بعد أن نورت منزل أسرتها عام 1955، لكن يسرا لم تكن تعلم أنها عندما تفتح عينيها على الدنيا لن تجد الأب التي تتمناه أي فتاة.

يسرا وعلاقة والدها القاسي

تحدثت يسرا في تصريحات تلفزيونية عن علاقتها بوالدها، وقالت: «ابويا مكنتش أعرفه، ولما شوفته كان عندي 5 سنين ومكنش عندي أي تواصل معاه، لحد ما خدني من ماما في سن 14 سنة وده سن حرج».

يسرا

وتابعت: «قعدت عنده بالعافية 7 سنين ودي كانت أصعب مراحل حياتي ومكنتش عارفة اعيش معاه ولا حابة أعيش معاه ومع ذلك أمي عمرها ما قالتلي عنه كلمة وحشة عليه لكن هو كان بيقولي عليها كلام وحش فمعرفتش احبه كفاية».

يسرا تتعرض للعنف الأسري من والدها

كشفت يسرا تعرضها للعنف والضرب من والدها، وقالت: «كان بيضربني وعملت 3 عمليات بسبب ضربة واحدة، بس كانت الفترة دي على قد ما كانت صعبة على قد ما كان عندي إيمان في قلبي إنها هتمر».

وأضافت يسرا حديثها، وقالت: «معرفش هتمر امتى وازاي لكن كنت متأكدة انها هتمر وقررت إنها لما هتمر مش هكون مدمرة حياتي».

يسرا

يسرا تحرم من الأمومة

أما عن حرمانها من الأمومة، قالت يسرا: «جالي فترة في عمري كان نفسي أجيب أطفال، لكن أنا دلوقتي راضية تمامًا بقضاء الله».

واختتمت حديثها، وقالت: «مرات بقول يمكن ده احسنلي عشان قلبي بيوجعني جامد لو حصل أي حاجة، ومع تقدم العمر رغبتي في الإنجاب قلت».

عمرو دياب مفاجأة حفل عيد ميلاد يسرا في دبي

يسرا اللوزي عن مسلسل جميلة: أخرج من جلدي في كل شخصية أقدمها

يسرا اللوزي: مسلسل جميلة أحداثه شيقة والدور جديد وبعيد عني

يسرا تبحث عن طنط سوسو في أحداث مسلسل 1000 حمد الله ع السلامة

لطيفة فهمي : اتعلمت التمثيل الصامت في سويسرا وعايزة اللي يستغلني فنيا .. فيديو